Para todos aqueles/as que non puideron presenciar o pasado domingo o partido de fútbol feminino entre as seleccións do norte e sur de Galicia, ou para quen desexe voltar a velo, poden velo seguindo este enlace.

O vindeiro martes 4 de xullo ás 18:30 no recinto feiral Fexdega (Vilagarcía) terá lugar o encontro institucional do proxecto Candieira.

Candieira é un proxecto de cooperación e traballo en rede de Grupos de Acción Local do Sector Pesqueiro (GALP).

O venres 30 de xuño, ás 20:00 no Salón de Actos de Exposalnés, terá lugar a charla “Francisco Asorey, escultor galego”, a cargo de Maribel Iglesias, conmemorando o 56 aniversario da morte do escultor, finado o 2 de xullo de 1961.

Dende que en 1969 se produciran os disturbios de Stonewall en Nova York (Estados Unidos) a comunidade mundial celebra, cada 28 de xuño, unha xornada de reflexión  co obxectivo de  visibilizar valores universais tales como a igualdade, o respecto, a diversidade, a liberdade e a non discriminación.

A pesar do progresivo recoñecemento dos dereitos das persoas LGTBI no sistema de protección de dereitos das Nacións Unidas nos últimos trinta anos e particularmente, en Europa, non é menos certo que, hoxe en día, a diversidade sexual segue sendo vítima dunha brutal intolerancia e discriminación sufrida, en diferentes formas e manifestacións, por lesbianas, gais, bisexuais, transexuais e intersexuais.

A día de hoxe, os Gobernos Locais españois estamos á vangarda no recoñecemento legal dos dereitos do colectivo LGTBI pero lamentamos que o recoñecemento destes dereitos non se producise a nivel universal, nin de maneira plena.

É necesario avanzar cara o recoñecemento e protección universal da diversidade sexual, desenvolvendo políticas públicas e implementando servizos que aseguren a igualdade efectiva de todas as persoas, con independencia da súa orientación sexual e identidade de xénero, como elemento esencial para a convivencia, o progreso e o desenvolvemento social e económico sostible.

E, precisamente, é nese contexto de igualdade efectiva onde os Gobernos Locais, porta de entrada directa e real do sentir da cidadanía, estamos chamados a xogar un papel clave para garantir a convivencia cidadá e a non discriminación de lesbianas, gais, transexuais, bisexuais e intersexuais.

Concellos, Diputacións, Consells e Cabildos Insulares reclamamos o noso papel como axentes esenciais no deseño e o desenvolvemento de políticas transversais e estratéxicas que garantan a igualdade de trato e a non discriminación.

Por todo elo, os Gobernos Locais reunidos na FEMP:

 

  • Invitamos a todas as Entidades Locais a adherirse a esta Declaración e sumamonos a todas as voces que claman por un futuro en igualdade.
  • Recoñecemos a necesidade de investir en políticas en favor da diversidade sexual e a non discriminación das persoas pola sua orientación sexual ou identidade de xénero a través do desenvolvemento de programas e proxectos de atención, información, formación e sensibilización que fagan das nosas cidades e vilas espazos seguros para a diversidade sexual.
  • Reafirmamos o noso compromiso cos dereitos humanos e, en consecuencia, co principio de igualdade efectiva entre as persoas, do que forma parte a diversidade sexual, así como da non discriminación das persoas pola súa orientación sexual ou identidade de xénero, recoñecendo os avances neste marco, ao tempo que reiteramos a nosa firme determinación de avanzar na superación das barreiras que ainda perviven hoxe en día.
  • Manifestamos a nosa preocupación e condena ante o aumento do número de agresións a persoas LGTBI no noso país e traballaremos dende o noso ámbito para responder axeitadamente a esta situación, especialmente mediante a información e formación da Policía Local.
  • Non son posibles as políticas de igualdade sen os Concellos. Por ese motivo, reivindicamos a necesidade de dotar ás Entidades Locais das competencias nesta materia así como de suficientes medios e recursos para, en colaboración co Goberno e as CCAA, asegurar a implementación axeitada de todas as políticas e iniciativas necesarias para garantir a igualdade efectiva das persoas en todas as nosas vilas y cidades

Este sábado 1 de xullo, ás 12h, a artista Yolanda Dorda explicaranos a súa exposición “Segredos” nunha visita guiada pola sala de exposicións do Pazo de Torrado en Cambados.

Estades dodos/as convidados/as!

A exposición poderá ser visitada ata o 16 de xullo, de martes a domingo entre as 18 e as 21 horas.

O servizo de información, orientación e prospección de emprego do Concello de Cambados informa das seguintes ofertas de emprego:

- Limpadores de peixe en liña no Grove:

Dende www.grupo-norte.es, buscan seleccionar para importante empresa do sector conserveiro e de conxelados, operarios/as para a limpeza de peixe en liña de producción para a zona de O Grove/Sanxenxo.

Os requisitos que se esixen son:

-Dispoñibilidade inmediata
-Experiencia mínima dun ano en posto similar
- Residencia en O Grove, Sanxenxo ou cercanías

Ademáis, ofrecese:

-Contrato por traballo temporal
-Salario por convenio

 

Ler mais ...

Con motivo da celebración mañá mércores do día do orgullo LGTBI, o Concello de Cambados realizará un acto conmemorativo no cal se dará lectura a un manifesto.
Por terceiro ano consecutivo, a bandeira do arco da vella estará presente no balcón da casa consistorial durante toda a semana.

O evento realizarase ás 11:30 na praza do Concello.

 

O xoves 29 de xuñoo, ás 21:00 horas celebrarase no salón de plenos da casa consistorial a sesión ordinaria do Pleno da Corporación Municipal coa seguinte

ORDE DO DÍA:

I PARTE RESOLUTIVA

1º.- Aprobación, se procede, da declaración declaración institucional con motivo do día internacional do orgullo LGTBI.

2º.- Aprobación inicial, se procede, do inventario de camiños.

II PARTE DE CONTROL E FISCALIZACIÓN DA XESTIÓN DOS ÓRGANOS MUNICIPAIS DE GOBERNO

3º.- Acordo de goberno de rexeitamento á creación dun xulgado uniprovincial para asuntos de cláusulas chan.

4º.- Acordo de Goberno para reclamar ao Sevizo Galego de Saúde que substitúa ao persoal do Centro de Saúde de Cambados tanto nas súas baixas coma na súas vacaións e que se menteña o horario de consultas e os servizos habituais durante o verán.

5º.- Dar conta das resolucións da alcaldía

6º.- Rogos e preguntas

Lembramos que a sesión plenaria será emitida en directo a través da nosa canle en youtube, con enlace nesta mesma páxina web.

 

Arquivos adxuntos

O servizo de información, orientación e prospección de emprego do Concello de Cambados informa das seguintes ofertas de emprego:

 

Camping Playa Paisaxe:

- 2 recepcionistas: para San Vicente do Grove e Vilanova. Bo trato coa xente, agradable e cun bo nivel de inglés, valorable outros idiomas a maiores.

- Persoal de limpeza: para San Vicente do Grove e Vilanova. Experiencia necesaria.

- 2 vixilantes para a piscina. Para San Vicente do Grove. Búscase xente xoven maior de 18 anos, dinámica e con bo trato hacia nenos/as. Necesario saber nadar.

Poden contactar no 986738331, 986554656 ou envío de CV a info@campingplayapaisaxe.com

 

Concello de Cambados - ORIENTACIÓN LABORAL
Centro Colaborador S.P.E.G.
Mª Eva Aragunde Chaves - Orientadora
Telf.:986.524.881  Telf. Móvil: 673.533.490
Fax1: 986.521.145 ...... Fax2: 986..097.017
orientacion@cambados.es

 

 

Adxuntamos ademáis o boletín de emprego da Fundación Amigos de Galicia.

Arquivos adxuntos

Con toda a propiedade, Cambados vai converterse mañá domingo (25/06/2017) na capital do fútbol feminino galego. Na nosa vila  van celebrarse os dous acontecementos, deportivo e social, máis importantes do ano para o fútfem galego. Pola mañá, no campo de Burgáns, vai celebrarse o I Galegas Norte – Sur / Galician Women’s Soccer All Stars; pola tarde, no Auditorio Municipal, a V Gala do Fútbol Feminino Galego..

 

I GALEGAS NORTE – SUR / GALICIAN WOMEN’S SOCCER ALL STARS

 

O día comezará ás 12,30 no campo Municipal de Burgáns. Nesa hora comezará o partido de fútbol denominado I Galegas Norte – Sur / Galician Women’s Soccer All Stars.

Trátase dunha cita histórica pois é a primeira vez que o fútbol feminino se proxecta promocionalmente cun encontro destas características.

Poderemos ver unha ampla selección das futbolistas dos principais equipos galegos, pero tamén as que estiveron xogando lonxe das nosas fronteiras como é o caso das catro xogadoras do Sp. Braga, ou de Sarita Tui (Granadilla), Carolina (Oiartzun), Patri (At. Madrid B) ou María Vidal (Mercyhurst Lakers University), da NCAA estadounidense.

O encontro está organizado pola Revista do Fútbol Feminino Galego conxuntamente coa Concellaría de Cultura e Deporte do Concello de Cambados, dirixida por Víctor Caamaño. Tamén apoian o evento a Concellería de Medio Rural da Xunta de Galicia e as deputacións da Coruña e Pontevedra. Igualmente o C.J. Cambados, club local que aporta diferentes medios necesarios para facilitar a celebración do choque.

O partido vai ser transmitido pola TVG2.

Se ao final dos 90 minutos houbera empate serán lanzados os penaltis necesarios para desfacer as táboas coa idea de establecer sempre un gañador, para ir enchendo unha estatística de vitorias e derrotas en futuras edicións. Haberá trofeo para a Mellor Xogadora do Partido, valoración que realizarán consensuadamente os seis técnicos das seleccións.

Convocatoria:

 

GALEGAS NORTE (camisola, pantalón e medias AZUIS):

1 – SHEILA Fernández Suárez (C. Peluquería Mixta Friol)

2 – PATRIcia Carballo Penas (C. At. Madrid B)

3 – PAULA Vázquez Herrero (Victoria C.F.)

4 – NEREA González Cuquejo (Victoria C.F.)

5 – NEREa CARBALLO Blanco (Victoria C.F.) – Cap.

6 – Estefanía “FANY” VARELA Pena (C. Peluquería Mixta Friol)

7 – TATIana Tenreiro Coira (C. Peluquería Mixta Friol)

8 – Carla Pérez Piñeiro “TOMY” (Victoria C.F.)

9 – EVA Pérez González (C. Peluqiería Mixta Friol)

10 – MARÍA VIDAL Souto (Mercyhurst Lakers University / USA)

11 – LUCÍA PARDO Méndez (C. Peluquería Mixta Friol)

12 – GORETTI Neira López (C. Peluquería Mixta Friol)

13 – LUCÍA Otero Pena (Tordoia S.D.)

14 – LARA Gómez Martínez (Victoria C.F.)

15 – NATALIA SÁNCHEZ Rodríguez (Sp. C. Braga / PRT)

16 – LAURA Souto Rodríguez (C. Peluquería Mixta Friol)

17 – RAIsa Méndez Osorio (C. Peluquería Mixta Frol)

18 – NATALIA Llames Olveira (Victoria C.F.)

Xogadoras convidadas:

19 – NOEMI García Rey (S.D. O Val)

20 – SELENIA Blanco Muíño (Tordoia S.D.)

Equipo técnico:

DIEGO FERNÁNDEZ Meijide (C. Peluquería Mixta Friol)

MARCOS MATO Fraiz (Victoria C.F.)

ALBERTO GOLÁN Golán (Torodia S.D.)

 

Ler mais ...

 Ir á páxina seguinte Ir á última páxina