Ver todas as novas do día...

  • Foto da nova

    PRESENTACIÓN DO PROXECTO DE REFORMA DA PISCINA

    A presidenta da Deputación de Pontevedra, Carmela Silva, presentou esta mañá en Cambados o proxecto de reforma da piscina municipal. As obras consistirán no cambio da cuberta e redundarán nunha mellora da climatización das instalacións e un notable cambio estético. A cúpula que actualmente cobre o vaso será retirada e no seu lugar levantarase unha estrutura de dous volumes, acristalada e de obra. A Deputación prevé adxudicar os traballos a finais de ano e o prazo de execución dos mesmos é de once meses, aínda que Silva anunciou que estes prazos posiblemente póidanse acurtar. Esta intervención ten un orzamento de 900.000 euros, que financia a Deputación.

    LER MÁIS

  • Foto da nova

    SERVIZOS SOCIAIS PROGRAMA CLASES DE IOGA EN CAMBADOS

    A concellería de Servizos Sociais, Sanidade e Terceira Idade, que dirixe Tino Cordal, programa a realización de clases de ioga para adultos en Cambados. As sesións iniciaranse o vindeiro 3 de outubro e terán lugar na sala de exposicións do Salón de Congresos e Exposicións José Peña.

    Haberá clases dous días á semana, martes e xoves, con dous horarios diferentes: un primeiro nivel de iniciación, das 18:45 ás 20 horas; outro nivel avanzado, das 20 horas ás 21:15; e, finalmente, outro de iniciación, das 21:15 ás 22:30 horas.

    A actividade está dirixida a calquera persoa, sen límite de idade, aínda que soen ser adultos os que precisan desta modalidade de exercicios de meditación e relaxación debido a diversos factores como o estrés. Con todo, non é preciso ter preparación nin coñecementos previos, nin tampouco unha condición física especial.

    LER MÁIS

  • CONXUNTO HISTÓRICO

    Cambados posúe un Conxunto Histórico que foi declarado Ben de Interese Cultural. É un dos mellor restaurados de Galicia. O patrimonio cambadés loce pazos e casas nobles, esculturas deseñadas por grandes artistas e pezas de arte popular, prazas e rúas empedradas, un pracer para quen ama a arte e a historia.

  • Albariño

    Cambados tamén é coñecida como a Capital do Albariño, pois o cultivo e a exportación do viño danlle renome a nivel mundial. Aquí creouse e impulsouse a Denominación de Orixe Rías Baixas, que controla e mellora a produción vinícola para a súa exportación aos principais mercados.

  • Gastronomía

    A calidade dos peixes e mariscos, así como dos froitos da horta, converten á gastronomía nun dos sectores básicos da economía cambadesa. A degustación de produtos típicos da ría de Arousa, regados cun aromático Albariño, é un dos sinais peculiares que distingue a este municipio.

  • Festas

    Durante todo o ano en Cambados desenvólvense programas de actividades festivas e culturais. Hai concertos de primeiro nivel, danza e teatro, festivais folclóricos, exposicións de arte, deportes, espectáculos ao aire libre... Os visitantes intégranse no ambiente con gran facilidade, grazas á acollida da xente.

  • Natureza

    Outro dos grandes praceres de Cambados consiste en percorrer a costa a través de paseos marítimos, ou sendeiros naturais dende onde se contemplan frondosas paisaxes e as míticas postas de sol. Resulta agradable achegarse á praia para observar ás mariscadoras recollendo moluscos.

  • Museos

    En Cambados pódense visitar catro museos: o Museo Etnográfico e do do Viño, o Muiño de Mareas de A Seca, a Casa Museo do Pescador e a Casa Museo do gran poeta Ramón Cabanillas.